荳子 (海壩街) (已結業)

荃灣真係一個揾到食好西嘅一個好地方，放假嘅下午又再次走入荃灣吃飯。荳子係一間我自己好鐘意嘅餐廳，已經光顧過好幾次，價錢唔貴，而且有我最喜愛嘅bar枱，可以望住窗外人來人往，感覺好治癒。餐廳有兩間舖頭連住，服務員話係一樣嘅，不過我自己較喜愛the corner衣間。軟殼蟹黑松露意粉係佢地嘅招牌菜，基本上我每次黎食都會叫😋其實份量唔算好大，今次叫有兩隻蟹，炸得好香口。而且另一點我最中意食衣個意粉係因為菇菌類夠曬足料👍🏻今次叫左pizza試下，我自己就覺得麻麻地，不過男朋友話好好食😅自己覺得料唔係好夠，不過嗰餅底好香口叫lunch set 包檸檬蜂蜜或者黑糖薑母茶😌整睇黎講，一定會再黎食嘅餐廳，成日見到佢啲蛋糕都好吸引，下次有機會一定試😋