酷廚 (已結業)

D2 place每個週末都有活動，又可以順路食下荔枝角美食。可惜工廠內嘅餐廳週末都唔開，所以就係D2 place揾食。Kool嘅裝潢時尚簡約，自助形式，不設加一，加上menu吸引，所以就揀佢。出面收銀落單，店員會將食物送到你枱。雖然無收服務費，但店員都好好服務。假日無set, 但可加$12換餐湯/餐飲。今日選擇了帶子燴红椒汁意大利飯。賣相已經贏左，而且香味十足。第一啖令人著迷嘅係口感。好多餐廳煮意大利飯都煮得太軟。哩到做到米粒剛剛熟，米芯保持硬硬地嘅口感。餐廳選用了細帶子，望落可能無大帶子咁吸睛，但份量絕不欺埸，起碼有十幾粒。另外個汁好香，加上芝士香，令人回味。不過，份量偏少，女仔都係剛剛夠。百幾蚊一碟，但咩都唔包，有點少貴。