程班長台灣美食 (已結業)

今日同朋友去开荔枝角行D2place，见仲早就谂住上左去试想食好耐嘅程班长, 一12点入去就已经八九成满人，似台湾D餐厅，有台湾姨姨热情招待，听到啲台湾国语真系好似去左台湾咁，几个人叫左以下几样野:-1)红烧牛筋面 $53牛肉几多够林唔痴牙，一人都分到一旧，面底够弹牙同香，份量几多，值得一赞！2)肉燥饭(鲁肉饭) $28 3)手工卤肉饭 $33两碗饭都比较细碗，似半人份量，卤肉浓味，又有油香，拌饭一流，比起瘦肉，个人喜好仍然认为肥肉好食Ｄ。4) 红烧猪脚干面 $60有两嚿卤大猪手,猪手卤得既入味又腍滑， 虽然不至于入口即溶, 猪手皮，肉及根通通入晒味兼软滑，好味，, 面都好好味。5) 麻油鸡 $60D汤有回归药味，好多油，鸡肉只有4件, 不滑，有朋友喜欢，但我不喜欢。6)台湾黑猪肉香肠 $40台湾香肠要夹生蒜片一起吃，外皮酥脆带点甜，一起食消左香肠的肥和生蒜片的辛辣。7)乌龙茶同冬瓜茶 $10整体来说都几好，不过坐得不太舒服，人太多。食完一点多，门口已经排左一条长长既人龙，如果唔洗排队都可以再食，但要排队等就免了。