影片
更多
2018-10-07
185 浏览
今日放假，同朋友經過荔枝角，打算去d2 place 新開嗰間 CGV 睇戲，買左飛未入得場，就當然係附近搵下有乜好食啦。見到呢間新開嘅餐廳，都唔少人排隊，就決定去試下佢。呢間餐廳叫Bohdan，比佢吸引嘅其中一個原因係佢內部裝修花左幾多心思去設計，全店主要走簡約工業風，水泥牆、鐵櫈、木枱、燈泡都係必要元素。食物質素固然重要，但坐得舒服亦係重要一環，單單係欣賞個環境，呢間餐廳已值好高分。因為人多關係，我地係外面都等左10分鐘度先入到去，但呢度有個好好嘅服務，哥哥會幫你係門口落定單，等你一坐低，好快就有得食，抵讚！以食物種類黎講都算好多款，佢午市套餐都幾特別，星期一至六每日有5個餐選擇，呢5個餐係固定嘅，所以可以睇定黎到即落單呀。而除左一般午市套餐，都有其他套餐，例如蕃茄濃湯意粉套餐、沙律餐、法式軟包餐、焗薯餐等等。今日星期四，我同朋友就叫左 4.日本飛驒牛漢堡大啡菇漢堡包薯角($54) 同 5.芝士鮮茄菠蘿焗豬扒飯($48)先講講個4. 日本飛驒牛漢堡大啡菇漢堡包薯角($54) ，份量都幾大份，薯角好多，一定食得飽呀。漢堡包面好脆身，但裏面又唔會乾，焗嘅時間剛好。飛驒牛漢堡非常厚身，食落
呢間餐廳叫Bohdan，比佢吸引嘅其中一個原因係佢內部裝修花左幾多心思去設計，全店主要走簡約工業風，水泥牆、鐵櫈、木枱、燈泡都係必要元素。食物質素固然重要，但坐得舒服亦係重要一環，單單係欣賞個環境，呢間餐廳已值好高分。
因為人多關係，我地係外面都等左10分鐘度先入到去，但呢度有個好好嘅服務，哥哥會幫你係門口落定單，等你一坐低，好快就有得食，抵讚！
以食物種類黎講都算好多款，佢午市套餐都幾特別，星期一至六每日有5個餐選擇，呢5個餐係固定嘅，所以可以睇定黎到即落單呀。而除左一般午市套餐，都有其他套餐，例如蕃茄濃湯意粉套餐、沙律餐、法式軟包餐、焗薯餐等等。
今日星期四，我同朋友就叫左 4.日本飛驒牛漢堡大啡菇漢堡包薯角($54) 同 5.芝士鮮茄菠蘿焗豬扒飯($48)
日本飛驒牛漢堡大啡菇漢堡包薯角
$54
51 浏览
0 赞好
0 留言
日本飛驒牛漢堡大啡菇漢堡包薯角
$54
44 浏览
0 赞好
0 留言
先講講個4. 日本飛驒牛漢堡大啡菇漢堡包薯角($54) ，份量都幾大份，薯角好多，一定食得飽呀。漢堡包面好脆身，但裏面又唔會乾，焗嘅時間剛好。飛驒牛漢堡非常厚身，食落肉味幾香濃，表面煎到好金黃，但咬落非常juicy，仲有肉汁，而且肉質亦屬比較嫩滑。大啡菇真係有成個包咁大，味道就偏淡少少，比較清新，剛好中和牛肉同芝士嘅濃，用料非常配合。
芝士鮮茄菠蘿焗豬扒飯
$48
65 浏览
0 赞好
0 留言
至於朋友個5.芝士鮮茄菠蘿焗豬扒飯($48)，我都偷食左兩口。我會話，鐘意食芝士嘅朋友一定會鐘意，因為表面鋪滿芝士先焗，啖啖都係香濃芝士味。菠蘿就比較特別，並無罐頭菠蘿個種死甜，反而微微帶酸，相信係新鮮菠蘿。豬扒亦算大件，食落就無乜用粉漿處理過，比較原汁原味。而個炒飯底我覺得比較出色，蛋嘅比例用得幾高，令到粒粒飯都痴到蛋。
呢間新餐廳，我同朋友食完都非常滿意，午餐用料同味道都好好之餘，價錢亦非常實惠，每人平均$50 左右，仲包野飲！如果下次再黎荔枝角，會再試下其他套餐，睇下有無其他驚喜！
张贴
