潮食地 (已結業)

今日要荔枝角睇電影，朋友話不如睇電影前Chill 一 Chill, 食個靚靚早餐先去睇戲。在長沙灣道羅氏商業廣場地下有一間有型有格的「潮食地 Chill Cafe 」，粉紅色的外觀，內裡有鮮艷的顏色配搭，相當潮氣及有格調，是很有少女心的茶餐廳。早餐時段有5款套餐選擇，搵到心多多的我都有選擇困難，究竟是叫三文治餐、歐陸早餐、輕食早餐、醒晨早餐或是公仔麵餐。嚟打卡餐廳梗係要食歐陸系列，「香煎薄牛扒配香滑炒蛋、牛油粟米及牛乳吐司」，單看賣相都不錯，薄牛扒也不是很薄，有牛肉香，香滑炒蛋滑溜，牛油粟米甜香，牛乳吐司有海量牛油，口感酥香。「香煎脆雞扒」果然真係脆邊，雞肉滑溜，質素也不錯，轉上煎蛋都煎得過剛好，水準也可以。飲食方面，水滾茶靚，今次飲「杏仁霜」沒有苦澀味，有杏仁香，而「利賓納」也沖得味道剛好，不會甜。