The Salted Pig (D2 Place) (已結業)

收工之後約咗Friend喺D2 Place附近食Dinner，附近有唔少餐廳，見到The Salted Pig🐷個名都得意呀！我哋決定試下啦！😁餐廳環境唔錯，裝潢好特別，可以見到老細對餐廳非常有心思🥰坐落都舒服，Staff好熱情呀，同我哋推介菜式蒜辣欖油大蜆意粉🍝鐘意食海鮮嘅我哋揀咗大蜆意粉，蒜香味十足，仲食到有少少辣味，辣味適中，令到意粉嘅味道更加豐富😆大蜆真係大呀！😱每一塊蜆肉都非常飽滿新鮮，十分嫩滑😋新豬肉肉醬意粉🐷新嚟新豬肉！第一次嚟呢間餐廳，梗係要試下新豬肉啦！😉肉醬意粉味道非常濃郁，意粉煙韌度啱啱好👍🏻唔講唔知，食落真係非常似真嘅豬肉，新豬肉無論係口感定係賣相都媲美真豬肉，素食者絕對唔可以錯過呀！😆經典英式炸魚薯條🍟揀咗一份經典小食，炸魚薯條十分酥脆呀！係啱啱炸完就送上嚟，魚肉外酥內嫩滑，薯條都炸得啱啱好，搭配醬汁，雖然好邪惡但係真係好好味呀！😝瘋狂！香蕉雪糕新地🍨飯後甜品絕對唔錯過！Staff送上嚟嘅時候見到，瘋狂！真係好大杯呀！😱雲呢拿同朱古力一共兩球雪糕，都係我哋非常鐘意嘅口味，窩夫份量都好足，好厚身好酥脆！同雪糕非常夾！仲有香蕉同士多啤利，食完十分滿足呀！😄Sang