大樹先生的家 (D2 Place TWO)

营业中

休息中

終於可以黎到大樹先生的家喇！但大家要留意網上訂位時唔好訂左台灣個邊的大樹先生的家，我係FB Book位，順利訂座成功好開心！但去到大樹先生的家先知原來訂左台灣店！好彩個員工好好人，而中午場唔算係好多人，佢幫我轉番香港店！very nice！香港店已經轉左波波池的顏色，係櫻花粉！好靚！女女超鐘意個波波池！同埋個波波池有D充氣氣球同粉好色天鵝！唔係得D波波好正啊！我諗大部份家長帶小朋友黎都係玩多過食！好多家長同我一樣一入場就帶小朋友衝入去遊戲區玩左先，但原來餐廳D食物都唔差！聞到隔離客人D食物好香，之後我問下員工意見，咩菜式最多人叫，佢就推薦我叫兒童餐便當同鵝肝牛柳配紅酒汁，我仲叫多左碟雞翼比女女食！D 雞翼好香，望到已經留哂口水！女女一次過食左3隻！兒童餐便當女女都食左好多，佢話個鰻魚飯團同天婦羅蝦好好食，我同爸爸一人一半都試左，係唔錯！但對我黎講淡味左D，但食健康D都好啊！個鵝肝牛柳配紅酒汁意外地都好好味！鵝肝香滑鮮潤唔會好腥，外脆內軟，一啖入口係享受！係親子餐廳品味到呢啖高級鵝肝，廚師一定好了解父母都需要透啖氣~我見有客人帶會小朋友黎同佢慶祝生日，之後女女生日我應該都要準備下先！