宋媽媽便當 (已結業)

唔想出去食，喺公司附近揀咗一間專做外賣嘅台灣便當既，上網落單叫定，夠鐘就可以去直接去攞，唔使喺門口等咁耐🙂好彩公司喺附近，即使去到佢已經整好都唔係浸咗好耐。叫左碗紫菜香菇貢丸湯麵 ($48)，其實都幾大碗，仲有包一杯飲品。不過呢個湯麵比較似湯河湯係無咩味既，所以自己加左辣椒油🌶️就啱啱好。味道方面唔算好出色，就好似出面正常一碗粉麵既感覺，冇乜特別台灣風味，純粹都係普通午餐，可能食返肉燥飯嗰類台式便當會好食啲。