金鑽囍宴

营业中

休息中

屋企人話去飲茶，話之前食過唔錯，就想我去試吓。好少嚟呢個商場，因為成個商場乜都無。但估佢唔到入到酒樓下午茶超爆滿，可惜樓底有少少矮，多人嘅話就啲聲昆咗喺度走唔到有啲嘈，但就似以前啲舊式茶樓嘅熱鬧氣氛。二十零蚊有個雞飯食，仲要中咗俾位真係超抵。價錢平，但係都唔Hea，啲雞肉都幾滑。個味菜先有炒河都好夠味又夠大碟。雞絲份卷簡直係出乎意料之外，佢嘅size係等同一碟正常腸粉份量。最緊要係佢個味道係好食，天氣熱真係好怕會處理得唔好，但係佢完全冇呢個問題。另外豬手都好入味，小籠包望落去個皮好似好厚，但食落去又唔算係仲有好多湯汁。牛肉，菜餃，都正常發揮，唯獨個鮮竹卷就尚算合格。但呢一餐整體嚟講相當有驚喜。