草民 (已結業)

第二次與朋友黎呢度茶聚，鐘意呢度個假草地，平日下午唔多人，可以靜靜咁吹下水，又唔會趕人，又唔會被打擾，不過d假草確實幾吉肉吓，所以最好著長褲先好坐！（另外就係要預早book位先可以㨂草地位）食物方面，我叫左杯菠蘿特飲，都幾好味，唔會太甜，如果跟餐叫，仲會有半價！主菜我㨂左牛柳粒飯，牛柳既味道都唔錯，唔會太咸都唔韌，未至於非常好食，但以價錢黎講，都算合理！飯就係我最喜歡又健康既糙米，不過伴碟既沙律菜就有些少苦，加上我本身唔多喜歡芥末醬，所以冇食曬d菜！