三代目 (愉景新城)

营业中

休息中

Lunch time 同同事去愉城食飯，揀左呢間日本野。但打開menu發現平日冇set lunch已經覺得怪怪地想轉場，但見坐低左就費事。現場有部送餐機械人都幾得意。🐾一口燒牛丼 $95賣相同張相好唔同😅碗飯比想像中細，上面d肉數量雖然多但好多都碎濕濕好細舊。蔬菜好少，肉食落係腍，但似俾鬆肉粉乸左好耐，d肉唔靚。個擺盤好隨意，好似我喺屋企自己整擺得仲靚。🐾 汁燒五花豚丼 $95賣相都係好唔同，上面離奇出現d一粒粒花椒/黑椒，味道唔算難食，但唔似食梗日本野。$95仲要加一，冇配菜，細碗，麵豉湯都冇碗，最重要係味道同用料都非常一般，呢個價錢喺愉景新城裡面已經有更好嘅選擇。