越味皇 (已結業)

同男朋友仔去荃灣食好西 黎到呢間 比佢d麵湯底吸引左 就入去試下啦我地睇勻個餐牌 最抵食都係自選麵款 每人都係50-60蚊咋 仲可以揀配料同湯底 正！我叫左個豬頸肉加雞翼 蕃茄蟹膏湯底蒙粉🍜個湯底好濃味 不過茄多過蟹味 豬頸肉唔乾 雞翼就一般唔差 男朋友就叫左個生牛肉配牛腩河 就牛湯底 清清地 都好香牛味又唔「蘇」再叫多個粉卷 d料一般但勝在份量算多 包到好大隻 配埋酸辣汁 正！