韓閣 (富裕樓) (已結業)

一直都好鍾意食韓國野食，尤其在冬日凍凍地天氣，勁掛住熱辣辣的人參雞湯。荃灣的韓閣，韓味正宗，交通便利，荃灣站出行過天橋就見到，鋪頭環境不錯，清潔乾淨。一坐低，侍應就奉上韓式泡菜，酸蘿蔔，榨菜韓式開胃野食。海鮮煎餅，外脆內嫩，海鮮餡豐富，不乏蔥，配左沙律醬同辣椒油，我就更喜歡點韓式辣醬，十分香口好味。天氣凍冰冰，梗係食石鍋飯，可以揀牛肉，腩片，炸雞球配芝士沙律汁，雜菜，蟹三色，我哋揀左牛肉石鍋飯。熱辣辣奉上，令人好有食欲！趁熱撈開雞蛋更香口。底仲有少少飯焦，牛肉嫩滑，好抵食。主角上場，石鍋人參雞湯，冬天是服用人參和高麗參進補的好時機，兩者都具有補元氣、補脾益肺、生津養血等功效。一整隻春雞，肚入面裝左糯米，人參，栗子等食材，加上紅棗，很有滋補效果。另外叫左薯條，香脆好味。