悅知味中泰越風味融合菜 (裝修中)

泰式濕炒河（牛肉）＄118非常有鑊氣，大量嘅雜菜配泰式炒河，醬汁好惹味，份量豐富。青咖哩雜菜 $88青咖喱甜甜地，仲有好濃椰奶味勁夾。泰式木瓜沙律 $58味道酸辣鮮甜又醒胃。芒果糯米飯（每位）$33用上新鮮香甜芒同埋濃醇椰奶，淋上微暖而且口感軟糯綿密嘅糯米上面，甜甜鹹鹹，作為甜品結尾冇得頂。臨尾員工仲送上菜糕，上面係水果味，下面係椰子味，非常滿足嘅一餐，環境乾淨，坐得又舒服，員工服務態度都好好，隔離就有得泊車。