悅知味中泰越風味融合菜 (裝修中)

今日去咗荃灣一間幾隱世嘅餐廳食泰國嘢，位於大窩口嘅村屋附近。入邊都幾大，可以容納到好多人。嘢食選擇都幾多，基本泰國嘢都有齊。今次試咗香葉肉碎煎蛋飯，炒得非常惹味，不過味道就偏辣，因為都落咗幾多辣椒，不過我鍾意食辣所以都OK！另外試咗海鮮喇沙湯麵，好足料，有青口、蝦、魷魚等等嘅海鮮，充滿椰香味，加埋爽口嘅蛋麵，唔錯唔錯。而米紙卷就相當有驚喜，包住蝦同埋芒果，芒果亦都好熟好甜，加埋佢啲酸甜汁，好開胃好清新！甜品仲叫咗紫米露，佢哋新鮮煲嘅，入口充滿椰奶香味，紫米亦都煲得啱啱好，再加埋粒粒芋頭，大滿足！