醉藥雞 (啟志樓) (已結業)

呢間餐廳bookmark左好耐，一直未有機會試~今次咁啱同朋友行過荃灣，一於去試下。餐廳位於荃灣路德圍，主打各款雞湯麵🍜同「醉」系列小食。🔎 砂窩雞湯翅配米線（$68）雞湯以砂窩上枱，所以食到尾都仲係熱辣辣，唔會食食下就凍曬。飲左一啖湯底，非常之濃郁，帶有金華火腿既咸香味，配料除咗雞肉之外，翅既份量都唔少，非常抵食。🔎 砂窩胡椒豬肚雞配刀削麵（$68）胡椒豬肚雞一樣係以砂窩上枱，嗰湯底比雞湯翅清，而且鮮味更加突出，帶少少胡椒味，飲完嗰身會暖笠笠，非常適合秋冬天食用。豬肚同雞肉份量都算多～❇️除咗米線同刀削麵，仲可以因應個人口味選擇配米粉、粉絲、銀針粉、瀨粉同白飯。❇️🔎 醉三鮮（$75）醉三鮮係指鮑魚、蝦同花螺，三款海鮮都醃得好入味，咬落充滿酒香，大推薦～🔎 醉雞翼尖（$28）醉雞翼尖份量好多，醉雞翼咬落有口感，味道都唔錯。🔎 藥膳酒浸雞腳（$36）雞腳好入味，咬落有陣陣藥材同酒既香味。⚜️餐廳每日都有唔同既特價小食俾客人揀，今次我地就試左口水豬手。⚜️🔎 口水豬手（原價：$48，特價：$24）豬手充滿骨膠原，咬落爽口彈牙，口水汁食落比想像中辣，但辣得黎都幾惹味。