Catee (已結業)

今日同屋企人去荃灣食西餐，屋企人介紹左我去食呢一間 Catee 。環境氣氛情調唔錯，好適合情侶同朋友聚會。我地點左香烤黃金帶子做前菜，一口一粒帶子，食落去好新鮮，經輕煎後更加香口👍🏻推薦香辣蒜香鮮蜆燴扁意粉，辣度適中，其實果道比較偏酸，就算唔食得辣嘅朋友都會接受到。意粉嘅醬汁濃而不膩，有淡淡蒜香，食完都唔會覺得飽飽滯滯，而且酸酸地好似蕃茄咁，好開胃。而威靈頓三文魚扒伴刁草忌廉汁十分香口，三文魚扒係炸過既，特別香脆，而魚肉依然係香嫩。香濃朱古力名副其實真係好香濃。食物味道唔錯，難怪咁多人幫襯😆