校長燒肉日韓料理 (沙咀道) (已結業)

今日同朋友係荃灣行街Shopping, 諗住早啲食晚餐，朋友介紹去校長燒肉，5至7點只需百幾蚊有齊燒肉同火煱真係好正嘅.....取食物區域集中，可以一次過攞多啲野食。燒肉肉類選擇夠多 ：咖哩/照燒雞扒，土匪/水牛城雞翼，豬頸肉，韓風牛肉片/一口牛肉，金沙骨，叉燒，柚子豬扒，魷魚鬚，多春魚/秋刀魚....醃得夠入味火煱有3款湯底，配料有多款蔬菜，瓜類，木耳，丸類，蓮藕，仲有通粉，一定揀到啱心水。想食熱葷，有熱湯，有幾款餸選擇，亦有炸物。食物質素不錯。凍盤有沙律，壽司，啫喱，軟雪糕，小朋友就最啱食。飲品有幾個凍櫃揀，有梅酒，有熱飲，花茶。跟朋友相聚傾下食下，嘆下咁多款燒肉，價錢仲要咁抵，要再來嚟食先！