影片
更多
2020-11-12
47 浏览
喺荃灣區食嘢有好多選擇，大多數都係一啲肉食性嘅餐廳，中式嘅打邊爐、韓式、日式燒烤、湯麵、壽司等等多不勝數。但係要選擇素食嘅呢就唔係太多地方可以搵到，今日去咗荃新天地2期嗰度有一間叫「天 悠蔬食」一間專食素菜嘅餐廳，喺商場入邊好容易就可以見到呢一間舖頭。入到去個空間感好大因為商場設計樓底高，咁形成個餐廳就一個好光猛、大空間嘅感覺十分舒服。而設計上亦花咗好多心思，係個天花度亦都佈置到好似一個天空有好多熱氣球裝飾，感覺好像一個樂園餐廳，同時又感覺似戶外用餐，令人覺得舒適和歡樂，總算有心思嘅設計。至於嘢食就餐牌內有好多選擇，前菜大多數都係一啲輕食為主嘅菜式，亦都有手卷可選擇。如果唔想咁煩諗食乜嘢好餐牌亦都有一啲套餐嘅選擇，為咗配合個餐食嘅安排所以有分二人餐同六人餐嘅選擇如果多幾個朋友來嘅就冇辦法啦要分枱啦。咁今次我哋簡咗一個晚餐，同埋再另加一兩款餸菜。首先一個猴頭菇竹笙黃耳無花果百合燉湯，就咁聽個名都知道係屬於清甜感覺，飲落去果然清新香甜。至於前菜就係百靈菇刺身，呢個賣相睇得出係模仿海蜇鮑片而製作嘅，當然食落去亦都另一番味道，但調味10分配合，百靈菇亦都好爽口感覺真係好似食咗
喺荃灣區食嘢有好多選擇，大多數都係一啲肉食性嘅餐廳，中式嘅打邊爐、韓式、日式燒烤、湯麵、壽司等等多不勝數。但係要選擇素食嘅呢就唔係太多地方可以搵到，今日去咗荃新天地2期嗰度有一間叫「天 悠蔬食」一間專食素菜嘅餐廳，喺商場入邊好容易就可以見到呢一間舖頭。


入到去個空間感好大因為商場設計樓底高，咁形成個餐廳就一個好光猛、大空間嘅感覺十分舒服。而設計上亦花咗好多心思，係個天花度亦都佈置到好似一個天空有好多熱氣球裝飾，感覺好像一個樂園餐廳，同時又感覺似戶外用餐，令人覺得舒適和歡樂，總算有心思嘅設計。





至於嘢食就餐牌內有好多選擇，前菜大多數都係一啲輕食為主嘅菜式，亦都有手卷可選擇。如果唔想咁煩諗食乜嘢好餐牌亦都有一啲套餐嘅選擇，為咗配合個餐食嘅安排所以有分二人餐同六人餐嘅選擇如果多幾個朋友來嘅就冇辦法啦要分枱啦。
咁今次我哋簡咗一個晚餐，同埋再另加一兩款餸菜。

首先一個猴頭菇竹笙黃耳無花果百合燉湯，就咁聽個名都知道係屬於清甜感覺，飲落去果然清新香甜。

至於前菜就係百靈菇刺身，呢個賣相睇得出係模仿海蜇鮑片而製作嘅，當然食落去亦都另一番味道，但調味10分配合，百靈菇亦都好爽口感覺真係好似食咗鮑片和海蜇一樣。
另一個就係土匪炸雞腿，呢一個係屬於小食套餐嘅所以亦都跟咗一支啤酒，最初以為真係有啤酒飲，原來係一支零酒精嘅仿製啤酒，但係飲落去亦都有真係類似啤酒嘅感覺幾可亂真。

晚餐嘅主菜就係和風大啡菇蘆筍扁意粉配照燒素帶子，呢個係相對一個濃咪嘅意粉素菜但係又真係10分好味，其實晚餐亦都有其他主菜嘅選擇例如Pizza等等，咁所以大家如果幾個人一齊嚟亦都可以選擇不同嘅配搭分享。


最後一樣嘅菜式就係黑松露大啡菇，黑松露就已經大家唔使講係知道咩味道啦，香濃嘅黑松露味道加上有少少芝士包住係一個大啡菇面裏面，大大啖一口食落去10分滋味。
整體食品嘅味道清新，亦都唔油膩，很適合大多數人，如果日常食慣咗啲不同肉食嘅餐廳想轉一轉新口味就好啦，食完感覺上冇咁飽滯，仲完全冇罪惡感添⋯⋯
张贴
