泰玖 (已結業)

餐廳裝修主打工業風格，樓高兩層，空間感闊落。如果想係荃灣搵間食泰國菜嘅餐廳，呢間會係個唔錯嘅選擇！➰ 泰式青咖喱雞 $98青咖喱好香濃嘅椰奶味，配搭雞肉真係送飯一流！佢嘅配料都好豐富，有泰式茄子、紅椒、青豆、雞內肉等⋯➰ 泰玖金磚蒜蓉包 $42炸到金黃色嘅蒜蓉包食落好香牛油同蒜蓉味，真係好脆好香口！金磚蒜蓉包配埋泰式青咖喱，索曬d咖喱汁真係食到停唔到😆。➰ 泰式炸雞卷 $36炸雞卷細細粒，做小食一流。佢食落好香口，配上泰式甜酸醬更加惹味。➰泰式鮮蝦金柚沙律 $68大大碟嘅金柚沙律🥗，味道好fresh。配搭泰式醬汁，食落甜甜酸酸。➰ 芒果活性乳酸菌屎樂冰(350ML) $58呢杯野飲個名好搞笑🤣，其實係芒果乳酸沙冰。佢飲落好fresh，濃濃嘅芒果味飲落甜甜酸酸，推薦！➰（自家製)泰式奶茶 $38呢個泰奶唔會超級甜，好香奶茶味，甜度剛好，覺得唔錯。