牛牛日式火鍋放題 (海之戀商場) (已結業)

上星期涼涼地又想打邊爐🍲，但放工已經好攰🫤唔想又要買又要切又要洗，不如近近地落荃灣海之戀既 @gyugyu_shabushabu 乾手淨腳😂夜晚放題係90分鐘，有四個Level 可以選擇，今次我地選擇左LV3 澳洲和牛依款，有成85款食物可以選擇！底湯有八種，我點左傳統山椒味噌鍋，我喜歡山椒既味道配搭味噌特別開胃🤤另外就係點左黃金酸菜鍋，原來都有點辣度，一人一鍋就最好理想，唔駛邊個就邊個😂澳洲和牛應該係最熱門Item ，牛肉質素不錯👍🏻薄薄地落鍋幾秒就食得，另外牛小排位置都不錯！熟食方面滷豆腐雞翼好有驚喜，滷水時間好足花椒八角味都好夠，我地都得左二回合😂蔬菜🥬同丸類等就自行出自助區，款式都算幾多，我比較喜歡佢地自家製既韮菜餃（用QR Code另點），大大隻多韮菜好香濃😆飲品都係包埋，除左有基本既汽水外，仲有台式韓式 罐庄飲品，冷泡茶等等……加$50/位，仲任飲紅白酒同清酒🍶可以好滿足！服務質素都相當不錯，侍應姐姐好快手就清理好我地用完既器皿，免阻礙大家努力食😂店舖空間夠寬敞，而且日系裝修都令人坐得舒服😌CP值不錯～