Vici Stage (已結業)

餐廳裝修同格調一流，喺鬧市 難得搵到一個好舒服嘅位置坐下 ， 輕鬆咁食下嘢飲下嘢，吹下水。首先order左個泰式豬頸肉， 好有泰國本土風味，咁耐冇去旅行， 可能有思鄉病，真係食得出泰國嗰陣味。因為駕駛嘅緣故， 冇叫酒精飲品，Mocktail 就岩曬，左邊係before 12，主要係檸檬Soda，夠曬清爽。右邊係happy ending，有菠蘿同熱情果再溝lime soda，好豐富果味，好飲！最後，食埋蟹肉炒飯同鹹蛋黃薯條，同樣蟹肉炒飯做到泰式餐廳嘅高水準，新鮮香口。 薯條有鹹蛋黃又做到港式口味。下次有機會，一定會試下佢哋嘅main course。