麻辣風雲 (荃碧大廈) (已結業)

荃灣所有嘅四川菜都試匀哂，食過麻辣風雲後，真係欲罷不能！🤪🤪 全家都係麻辣控既我地都一致讚好👍🏽👍🏽叫左以下既食物：🌶️酸菜魚-佈滿既芝麻、芫荽、酸菜同辣椒，湯料充足，湯底辣度充足又惹味😗 魚柳肉滑入味，酸酸辣辣好好味👍🌶️麻辣雞翼尖-喜歡雞翼尖嘅人有福啦😉，麻辣又香口，鍾意食雞翼尖嘅妹妹食咗大半碟！🌶️酸辣土豆絲-爸爸大讚師傅刀工了得，土豆絲好幼又薄，酸辣入味，開胃得來又酸酸辣辣刺激脷嘅神經，分泌更加多嘅口水😋🌶️水煮魚-辣得來唔會好辛苦，魚肉大嚿又入味，送飯真係好好味喎！媽咪都大贊魚肉嘅肉質好鬆軟very good 👍🏽🌶️乾煸肥腸-肥腸夠哂肥厚，麻辣道適中，炒得幾乾身☺️整體食物辣度適中☑️，平時係譚仔食開小辣都無問題，喜歡麻辣四川菜既人一定要試🙃