瀛喜日本料理 (已結業)

食放題大家總會聯想到旺角、銅鑼灣，但其實荃灣都有好選擇。今日喺荃灣美食街準備覓食之際，唔覺意見到間唔太起眼嘅放題店，$248加一，2.5小時任食火鍋同放題，覺得價錢OK所以入去試吓 六點半入到去已經有幾枱食緊，呢個火鍋放題每枱都會送五樣嘢，另外火鍋配料，同其他普通放題食物都可以任叫。第一樣上嘅嘢就係卜卜蜆煲，我哋只係叫咗小辣，但其實已經好辣，不過非常惹味蜆分量都唔少，食後好開胃。食完辣野忍唔住要去攞野飲，估唔到有梅酒飲😳，平時麻麻地飲酒都覺得幾易入口，另外果汁啤酒都好好飲，得2.3% alcohol, 令人不知不覺飲好多🙈話咁快就上第二個重頭菜，刺身船。三文魚好厚切同新鮮，估唔到放題都有龍蝦食，平時食自助餐都未必有之後第三道上小食拼盤，炸芝士年糕超級正👍👍👍 芝麻雞翼都好香口。食到甘上下侍應就幫我地上火鍋，我地(懶)健康叫咗個芫荽皮蛋湯底第四道重頭戲就係手切安格斯牛肉，唔太肥太瘦。最後呢個海鮮拼盤豐富到嚇左一跳，有鮑魚、聖子、蠔、珍珠貝、貴妃蚌等。鐘意食海鮮的一定大滿足煮完仲好大隻仲有其他火鍋配料，魷魚同牛柏葉都爽口好食。其他放題小食。總結：開頭唔知有咁多野送，以為只係普通火鍋同放題，