老媽拌麵 (荃灣廣場) (已結業)

星期六陪仔仔上完興趣班，未食午餐，就去左荃灣廣場搵食。見老媽伴麵既水牌好多次，成日都想試下，今次終於說服仔仔陪我去食😁 可能過左午餐時段，所以餐廳唔算多食客，唔需要排隊等位就可以入座喇！台式下午茶餐有19個選擇，有必食既拌麵類；亦有肉燥飯類，輕食既有台式蛋餅類；以及台式甜品類。餐廳採用手機QR code自助落單，非常方便。因為未食午餐，所以就選擇左必食既地獄麻辣肥牛拌麵配荔枝綠茶；仔仔就點左擔擔香菇肉燥拌麵配黑糖珍珠奶茶。另外跟餐加$22仲可以追加小食，我地就點左香煎蔥抓餅同炸地瓜條。可能係下午茶既關係，關廟麵既份量比較少；但味道係Ok既，炸地瓜條熱辣辣卜卜脆好好味；蔥抓餅都好味，唯獨荔枝綠茶味道偏淡，有待改善。