本來2女子都只係話食個快飯...飲杯野...傾下計...就搵個大家收工都方便既地方.
油尖旺通街都有人等位...今次又決定係公司附近既地方食飯.
上網搵下搵下見到呢間, 即管試下.
入到酒吧...可能太早..630只有2,3桌客人..見朋友未到...我就先叫杯1664飲下先.
都幾抵...Happy Hour 時段 $58/杯...叫2杯仲送多1杯添.
等到朋友未黎到...我既第2杯已經開動了...淨杯太寡既關係...叫左個小食雞軟骨.
雖然真係小食...但都有d誠意既...起碼熱辣辣又唔油.
朋友黎到話肚餓..結果叫左個晚餐食.
油封去骨鴨脾聽就聽得多...食就真係未試過...估唔到呢個菜式同酒精做到朋友.
鴨皮脆卜卜, 既唔油膩又香口, 下面既薯仔吸晒鴨既香味...好食.
朋友就叫左個牛扒, 肉質好好又夠juicy.
不得不提佢個餐湯, 細細杯 (無錯, 係杯...成杯咖啡咁...好精緻) 好香, 好濃郁既蕃茄味...仲有少少辣添...正到呢
食下...飲下已經10點幾...咁岩有1664 promoter入黎...叫滿3杯送1隻紀念版酒杯.
又食又拎個感覺爽YY!
