影片
更多
2021-09-13
1213 浏览
今日同老公行完街，佢話帶我去一間工廈嘅隱世cafe食飯，呢度工廈有cafe？我都冇聽過，我都想見識吓。呢度真係要知掟先識黎，入到門口就覺得呢間cafe真係花左心思去擺設，綠色葉嘅牆配上粉紅玫瑰，仲有綠色盆栽做裝飾，好relax，裡面空間唔大唔細，但仍然覺得好闊落，坐得舒服。我哋就每人點左個意粉，然後加$68做升級套餐。多左一個湯，小食同埋甜品。迷你櫻花龍蝦湯：雖然叫迷你，但份量都ok，龍蝦味道濃，唔會話死鹹，都幾好飲。炸雞件配沙律菜：炸雞件剛炸起，好熱呀，香口又好食，上面仲有少少沙律醬，夠晒味道，配埋沙律菜一齊食，爽口，感覺無咁熱氣，幾好。海鮮忌廉汁扁麵配挪威三文魚：三文魚上碟擺得幾好，大大片有兩大片，鹹鹹地。海鮮忌廉汁又唔會傑撻撻，一舊舊，亦唔會太漏，配埋個扁麵食又真係幾好食。蒜香辣椒蜆肉意大利粉配軟殼蟹：軟殼蟹係原隻上，size一啲都唔細，咬落去脆之餘仲食到一粒粒蟹膏，超正。意大粉炒得乾身，入口帶少少油份，好香，蒜配上辣蜆肉帶點惹味，整體真係好唔錯。甜品：是日精選甜品係朱古力cheese cake同埋榛子海綿mocha蛋榚。cheese cake朱古力味道香濃，但唔會完全蓋晒芝士味
呢度真係要知掟先識黎，入到門口就覺得呢間cafe真係花左心思去擺設，綠色葉嘅牆配上粉紅玫瑰，仲有綠色盆栽做裝飾，好relax，裡面空間唔大唔細，但仍然覺得好闊落，坐得舒服。
我哋就每人點左個意粉，然後加$68做升級套餐。多左一個湯，小食同埋甜品。
迷你櫻花龍蝦湯：雖然叫迷你，但份量都ok，龍蝦味道濃，唔會話死鹹，都幾好飲。
炸雞件配沙律菜：炸雞件剛炸起，好熱呀，香口又好食，上面仲有少少沙律醬，夠晒味道，配埋沙律菜一齊食，爽口，感覺無咁熱氣，幾好。
海鮮忌廉汁扁麵配挪威三文魚：三文魚上碟擺得幾好，大大片有兩大片，鹹鹹地。海鮮忌廉汁又唔會傑撻撻，一舊舊，亦唔會太漏，配埋個扁麵食又真係幾好食。
蒜香辣椒蜆肉意大利粉配軟殼蟹：軟殼蟹係原隻上，size一啲都唔細，咬落去脆之餘仲食到一粒粒蟹膏，超正。意大粉炒得乾身，入口帶少少油份，好香，蒜配上辣蜆肉帶點惹味，整體真係好唔錯。
甜品：是日精選甜品係朱古力cheese cake同埋榛子海綿mocha蛋榚。cheese cake朱古力味道香濃，但唔會完全蓋晒芝士味道，口感幼滑，好好食。榛子海綿mocha蛋糕入口軟綿綿，一口有晒榛子同mocha味道，有口感得黎好滿足。
张贴
