御滿屋日本料理

营业中

休息中

自從覺得自己細食左之後就少左食放題，驚會唔會回唔到本。最近荃灣區嘅朋友就帶我去大鴻輝食日式放題「御滿屋日本料理」。入門口會經過飲品嘅放置櫃，最想知當然有冇乜少見嘅飲品。睇到酒精類嘅櫃，竟然有8款唔同嘅啤酒，當然仲有罐裝日本梅酒，即刻拎嚟試下。之後會見到雪糕櫃，淨係貴價雪糕都有3款，MÖVENPICK、Häagen-Dazs和DREYER'S。雖然想食，但係都係食左正餐先。食放題第一步當然要叫哂刺身先，三文魚、赤蝦、吞拿魚、杋立貝、油甘魚等等都齊全，最緊要係完全冇雪藏味，勁新鮮。手卷我就試左吞拿魚蓉和海膽，壽司類就不仿試下花之戀。熟食類燒雞翼都好香脆，仲有羊架都夠大件，而外層又燒到焦香。最後天婦羅都好有驚喜，完全新鮮炸，又唔會覺得油膩。