夜燒站

营业中

休息中

黎到呢間串燒，感覺好乾淨，唔會有平時串燒個D油煙味，多左份日式既感覺!原來呢到係開到 凌晨12點架! 係荃灣食宵夜絕對可以簡呢到。食物款式多，而且價錢好抵! 一開始會有個前菜，係芝麻醬牛肉粒同青瓜，幾好食，好開胃。叫左D基金野，燒雞軟骨，汁燒雞肉大蔥，燒雞腎。調味岩岩好，想食辣既話，仲可以自己加粉! 雞肉係燒完仲好嫩滑! 個汁係甜甜地，幾好食。燒雞皮好脆口，份量都多! 燒明太子雞翼都幾大隻，入面既明太子好足料! 日式燒豆腐幾有驚喜，上面仲有D木魚碎，成個感覺好似食緊日式料理! 燒燒賣同燒紅腸都係蜜糖燒系統，甜甜地好好食。明太子芝士雞肉串都幾好，明太子醬超多，每啖雞肉都有醬包住架。最鐘意係野菜豬肉卷同埋豚肉本姑卷，出面既豬肉片燒到有少少脆，但入面既菜係好juicy，一咬落去唔會乾，感覺又健康D。原來除左串燒，仲有烏冬食! 即刻叫左吉列豬扒烏冬，烏冬彈牙，吉列豬扒好香脆! 另外，呢到既上菜速度比想像中快，加分!