影片
更多
2018-07-21
716 浏览
打邊爐真係冇分季節,有種心癮令我久唔久就想去一次 今日同我朋友去咗荃灣大鴻輝8樓【馬辣台式鴛鴦火鍋】打邊爐， 開頭見到個名有個辣字都驚驚地，但之後發現有其他唔辣既湯底，所以就決定食呢間。大鴻輝一如既往超多人排隊搭電梯。 好彩我同朋友book咗六點半上去食飯，成功避開左排隊既高峯期。一上到去，估唔到咁早都有50%入座率。職員安排我地坐窗邊既卡位。我地今次叫左鴛鴦鍋，一邊沙爹湯，另一邊係蕃茄湯。仲叫左5種精選肉。原來呢度除左精選肉類同海鮮類之外，其他食物同飲品係要自取。行左一個圈，發現食物種類好多，菜，丸，肉，即包水餃，甜品，生果，野飲。我最鐘意甜品，除左有3個雪糕櫃之外，仲有蛋糕同埋我最愛既焦糖燉蛋😍😍我食左2杯。另外一樣要讚既係野飲方面，除左有普通罐裝汽水同凍既果汁涼茶之外，仲有咖啡機，茶包，花茶，同埋熱水。我同朋友將鴛鴦鍋，分左做素食區同肉食區。沙爹湯放肉，蕃茄湯放菜。咁樣啲菜唔會吸太多油，感覺健康啲。呢間啲菜正常新鮮，可以同呢度客人多，啲食物去得快有關，我地食左4轉菜都見唔到有帶啡色好似少少燶左既菜出現。精選肉類上菜，但係我同fd分唔出邊盆係羊，證明佢個羊肉一啲都唔"so"。自取既
打邊爐真係冇分季節,有種心癮令我久唔久就想去一次 今日同我朋友去咗荃灣大鴻輝8樓【馬辣台式鴛鴦火鍋】打邊爐， 開頭見到個名有個辣字都驚驚地，但之後發現有其他唔辣既湯底，所以就決定食呢間。大鴻輝一如既往超多人排隊搭電梯。 好彩我同朋友book咗六點半上去食飯，成功避開左排隊既高峯期。一上到去，估唔到咁早都有50%入座率。職員安排我地坐窗邊既卡位。
我地今次叫左鴛鴦鍋，一邊沙爹湯，另一邊係蕃茄湯。仲叫左5種精選肉。原來呢度除左精選肉類同海鮮類之外，其他食物同飲品係要自取。
行左一個圈，發現食物種類好多，菜，丸，肉，即包水餃，甜品，生果，野飲。我最鐘意甜品，除左有3個雪糕櫃之外，仲有蛋糕同埋我最愛既焦糖燉蛋😍😍我食左2杯。另外一樣要讚既係野飲方面，除左有普通罐裝汽水同凍既果汁涼茶之外，仲有咖啡機，茶包，花茶，同埋熱水。
我同朋友將鴛鴦鍋，分左做素食區同肉食區。沙爹湯放肉，蕃茄湯放菜。咁樣啲菜唔會吸太多油，感覺健康啲。呢間啲菜正常新鮮，可以同呢度客人多，啲食物去得快有關，我地食左4轉菜都見唔到有帶啡色好似少少燶左既菜出現。
精選肉類上菜，但係我同fd分唔出邊盆係羊，證明佢個羊肉一啲都唔"so"。自取既食物入面我最鍾意食烏冬（係雪條櫃入面果款）夠彈牙。另外白魚蛋，滑牛同午餐肉都好好味。唯一奇怪既係呢度既墨魚丸口感勁似魚蛋，都係一樣彈牙，相比之下我都係鍾意食魚蛋多啲。
因為啲雪糕太硬（其實係我唔夠力），所以我淨係狂食雪米磁，呢度雪米磁供應量好多，食到走個雪糕櫃都仲有一半，唔似得其他地方，食到一半已經無曬。我一共食左8粒，最好味係雲喱拿，其次係綠茶，之後先到朱古力。
食到超飽，埋單只係每人174（連加一）。下次要帶埋媽媽黎食，其他打邊爐/放題多數只有凍飲供應，但呢度有花茶，熱水同咖啡，岩曬我唔飲凍野既媽媽。
张贴
