泰玖 (已結業)

朋友生日揀左荃灣新開泰國菜餐廳慶祝，餐廳樓高兩層，下層係bar台，上層又別有洞天，成間餐廳行工業風型格設計，估唔到咁有格調，啱曬知己朋友邊食邊傾。食物方面除左正宗泰菜外，原來仲有日本串燒食同Sake飲，好驚喜哦～成班朋友叫左黃咖喱蜆、青胡椒蟹、海南雞、泰式拼盤、泰式肉碎炒飯、泰式柚子沙律x2、日式串燒x好多串⋯⋯再叫埋酒～成晚除左裝修環境特別，食物真係無得輸！所有泰式野都好得！尤其個黃咖喱真係正到～～食曬d蜆d咖喱底都忍唔住要撈埋飯食個泰式柚子沙律又係好食到～朋友誇張到食完一個叫多個沙律⋯使唔使日式串燒唔使講，雖然冇泰式野咁驚喜同重口味，但食得出d食材都正野黎～仲要同酒真係絕配！朋友食飯飲酒不知不覺食下又一串食下又一串成晚大家都不停食同傾計，度過左非常愉快的一晚！靚仔老板同店員都好熱心介紹菜式&加水，仲主動同我地影左生日相～走時先發現原來大家掛住食都冇乜影到菜式相⋯😂😂😂不過成班fd一致認為荃灣人好幸福呢～好多正野食～&呢d咁有heart的高質食店真係要多多支持！