影片
更多
2022-05-03
70 浏览
門口同店內裝潢都幾有台式老店感覺，水泥牆配木製枱櫈，牆上仲貼左一啲舊式海報，有懷舊復古feel。唔好睇鋪面細細咁，入到去樓底幾高，分左上下兩層，有一條可以通往上層閣樓用餐空間嘅綠色通花樓梯，令人感覺空間感大左，而且環境乾淨整齊，坐得幾舒服以台灣古早風味食物為主，提供麵食、飯類、各式便當、蛋餅、炸物、滷拼盤、涼菜及多款台式飲品等，選擇多樣，但見餐牌好似冇左午市套餐，要散叫。整體嚟講味道中上，份量同價錢合理，想回味一下台灣美食可以嚟試吓_➤香酥炸排骨便當🍱$63由於天氣凍太肚餓嘅關係，叫左兩個便當。除左主菜之外，仲包兩款配菜，半隻滷水蛋同一款涼菜，幾豐富而且味道唔錯，但賣相真係差咗啲，唔講以為自己食緊兩餸飯。份量都多夠飽肚，辣豆芽幾爽口開胃，翠玉瓜唔會完全白恰，都叫有啲味，麻婆豆腐味道偏淡，口感扎實。作為主菜嘅排骨大大塊，炸到金黃色，表面嘅炸粉唔多夠薄身，食落超酥脆香口，調味恰好，面頭仲灑左少少椒鹽粉，夠哂惹味，肉質軟嫩，保留到肉汁，而且得一條骨可以啖啖肉。唯一係太大塊冇完全切開哂，食得比較狼狽➤滷肉便當🍱$58滷肉粒份量適中，肥瘦都算均勻，偏多肥膏，軟腍入味，唔會太油太膩，有滷水汁可以撈
以台灣古早風味食物為主，提供麵食、飯類、各式便當、蛋餅、炸物、滷拼盤、涼菜及多款台式飲品等，選擇多樣，但見餐牌好似冇左午市套餐，要散叫。整體嚟講味道中上，份量同價錢合理，想回味一下台灣美食可以嚟試吓
_
➤香酥炸排骨便當🍱$63
由於天氣凍太肚餓嘅關係，叫左兩個便當。除左主菜之外，仲包兩款配菜，半隻滷水蛋同一款涼菜，幾豐富而且味道唔錯，但賣相真係差咗啲，唔講以為自己食緊兩餸飯。份量都多夠飽肚，辣豆芽幾爽口開胃，翠玉瓜唔會完全白恰，都叫有啲味，麻婆豆腐味道偏淡，口感扎實。作為主菜嘅排骨大大塊，炸到金黃色，表面嘅炸粉唔多夠薄身，食落超酥脆香口，調味恰好，面頭仲灑左少少椒鹽粉，夠哂惹味，肉質軟嫩，保留到肉汁，而且得一條骨可以啖啖肉。唯一係太大塊冇完全切開哂，食得比較狼狽
香酥炸排骨便當
$63
12 浏览
0 赞好
0 留言
➤滷肉便當🍱$58
滷肉粒份量適中，肥瘦都算均勻，偏多肥膏，軟腍入味，唔會太油太膩，有滷水汁可以撈飯食，唔會太乾，反而覺得太多汁🤣 搞到啲飯偏太淋同濕，味道就同出面其他台式餐廳差唔多，甜甜地唔太鹹，個人覺得一般，不過不失
滷肉便當
$58
9 浏览
0 赞好
0 留言
➤起司肉鬆蛋餅🧀🥚🫓$38
即叫即煎，上枱仲熱辣辣，餅皮厚薄適中，食落煙靭外面微脆，捲得實，唔會一夾就散。超鐘意肉鬆，基本上肉鬆配任何野都已經好好食，鹹香鬆脆，都算足料只係分佈有啲唔平均，頭尾部份份量偏少。芝士份量超多，但唔會好滯，仲可以做到拉絲效果，蛋就普通煎蛋，不過幾有蛋味。另外有附醬汁應該係蒜蓉豉油，嫌淡味單調鐘意重口味少少嘅可以點，不過我哋比較鐘意原汁原味，而且就咁食都已經好好味
超司肉鬆蛋餅
$38
4 浏览
0 赞好
0 留言
➤綿密芋頭鮮奶🧋$30
香芋鮮奶呢個配搭冇得輸😍，冇叫到少甜，不過好彩甜度啱啱好，唔會太甜膩，芋頭同鮮奶比例幾好，芋頭味天然，奶味濃郁，仲飲到一粒粒綿密嘅芋頭粒，口感唔錯，當日天氣較凍，飲落暖笠笠，好舒服
_
🍽味道指數:★★★★☆
📷環境指數:★★★☆☆
🛎服務指數:★★★☆☆
💰抵食指數:★★★★☆
😋推薦指數:★★★☆☆
📍老厝邊
荃灣大壩街25號地舖
📍其他分店：
大角咀埃華街92號地下
张贴
