味苑 (已結業)

今日跟為食妹去搵食～咁啱見到有新餐廳，我哋兩個不嬲鍾意食新嘢，見到裝修幾雅致，一於試下。餐具好靚呀！好有心思。用咁靚嘅餐具食嘢，個人都開心啲，啲嘢食係咪都會好食啲？菜膽雞燉鮑翅呢個一定要點！！菜膽雞燉鮑翅用咗好大片既真魚翅，加上瘦肉雞肉一齊拎去完燉，味道好鮮！魚翅一條條，粗身爽口， 整個燉湯味道清得嚟亦不失魚翅鮮味同肉香，重點係新開張只係$28，抵到爛！！清湯蝴蝶腩店員唔介紹都唔知道，呢煲蝴蝶腩望落好似牛腩，但係其實係豬肉嚟，好適合果啲唔食得牛肉嘅人。蝴蝶腩用咗胡椒辣椒同芫茜一齊煲，帶出蝴蝶腩嘅鮮味，胡椒辣椒有提鮮嘅作用。雖然落咗芫茜，但係芫茜味唔會好大，我自己麻麻地芫茜都接受到。清湯底胡椒味比較重，都幾惹味吖。蒜蓉粉絲蒸扇貝扇貝開邊蒸，加埋蒜蓉同粉絲，雖然係一般家常嘅煮法，但係鑊氣呢樣嘢都係要係街先食到。扇貝好新鮮，蒸出嚟鮮味濃郁，因為扇貝好厚肉，所以就算開咗邊，依然都好有咬口，而且火候控制得好，食落非常之淋，一啲都唔靭。粉絲吸收咗蒜蓉同埋元貝嘅鮮味，一啲都唔失色。燒腩仔燒腩仔有五層豬腩肉，肥瘦肉層次分明，所以口感好滑，完全唔會覺得肥膩。豬腩仔既皮係沙皮，我自己覺得個皮唔夠脆，但係配