滿屋日本料理 (大鴻輝(荃灣)中心) (已結業)

香港人一直很喜歡日式放題(包括我), 日式放題開到周圍都係,但高質的/性價比高的,例如大O屋一般都集中係港島區/尖沙咀區, 還要提早訂位先可以食到, 住新界的要過海再食過日式放題, 車錢都唔見一部分。不過原來近近地荃灣就有了- 滿屋日式放題。話明性價比高, 當然有番咁上下質量, 刺身方面, 香港人熱愛的三文魚(不是大陸的虹鱒), 甜蝦, 赤蝦, 鮑片, 帶子, 貝, 玉子等基本齊存, 基本上新鮮可以食得落口,就連解凍解得唔好會有怪味既希靈魚都可以放入口, 算不錯了。當然, 你總要用在日本食過的來比較係無意義, 所以過下口癮也已經不錯。反而壽司方面有驚喜,魚呀, 蝦呀, 乜乜戀, 軍艦呀, 生牛呀, 基本野唔講啦, 除了基本外, 滿屋自家製的卷物,創作系的壽司真的值得一試。熟食方面也是, 基本上日式放題應該有的也齊存, 牛肉鍋, 燒羊架, 炸物, 咖哩蟹, 乜乜串, 等等啦。不過呢, 除了落單的食物外,她們還有一個自助區,和飲品一樣, 喜歡什麼自己去拿就可以。然後為什麼要特別提這個自助區, 當然有私心啦, 就在甜品區對面, 兩大盤, 沒什麼人會去拿的, 就算有都係一塊起兩塊止的炸薯格。