陳記魚蛋

買咗個細生菜魚肉$24 ，竟然有好多魚肉，非常之足料，而且魚肉唔係溝好多粉戈款，係有小少彈牙感，食完一碗已經冇咗飢餓感。男店員（唔知係唔係老闆)同我分享，原來湯係用白蘿蔔熬左成日，飲落去真係有陣清甜。😋
最值得一讚嘅係，呢間店衛生程度都算幾高，雖然係小舖，入面嘅嘢睇得出係乾乾淨淨，而且見到該店員會刻意唔觸摸餐具用黎放入口嘅位置，唔小心整到會換過一隻。👍🏻
希望會長做長有，以後食生菜魚肉都搵得返呢間。下次試吓碗仔翅，希望有驚喜。

1

細碗$24

$24