老厝邊

营业中

休息中

荃灣呢間台式餐廳一直都人氣高企，今日放工經過就入咗嚟食。餐廳有2層，晚市時間坐滿人。餐牌有齊台式食物，價錢唔貴～塔香鹽酥雞，台菜必點小食，鹹鹹香香，炸粉唔厚，上菜時仍然保持熱辣辣！起司肉鬆蛋餅，餐廳推介菜之一，入面包咗好多餡料，芝士拉絲，加埋肉鬆甜甜地，仲有個蒜香醬汁，分外滋味！主食部分，滷肉飯（小），份量都唔少，同台式感覺相似，平時最怕出面啲餐廳肉燥飯當滷肉飯，呢度就真係正宗嘅台式滷肉飯，滷肉汁同白飯真係絕配，豬油香十足！半筋半肉麵，湯底係帶點甜嘅蘿蔔牛腩湯，唔會話好油膩，粗麵掛湯，牛筋好Q彈，牛肉厚身，滷得入面，性價比高！冬瓜茶，唔駛$20，甜度冇得揀，但比市面嘅正常得多！