泰玖 (已結業)

早幾日同朋友去咗荃灣睇戲，睇完就四圍行下揾嘢食。最近天氣熱都想食下泰國菜，朋友就介紹依間位於荃灣曹公坊嘅人氣泰菜店。餐廳裝修係日式水泥工業風，十分有新意。第一層係吧枱形式嘅座位，用間板分開各枱客人，即使一個人嚟食，都唔怕搭枱尷尬。樓上仲有一層，空間幾大，人多嚟食嘅話都唔怕。泰式拼盤$118有雞翼、雞卷、蝦餅和魚餅雞卷咬落去啖啖肉，雞翼處理成單骨，十分方便，脆卜卜。魚餅有香茅味道，頗為香口。蝦餅都夠新鮮彈牙。配以泰式甜酸醬，令人食慾大開。泰玖招牌泰式肉碎生菜包 $88我地叫左小辣，生菜都幾新鮮同洗得乾淨，而肉碎炒得幾香，酸酸辣辣，食落零負擔。泰式明爐桂花魚 $158原條桂花魚，用火爐上，熱辣辣，魚肉鮮嫩幼滑，味道鮮美。用左好多唔同香料去調味，都有好多配菜，例如： 肉碎，香檸，香茅，草菇等等，味道豐富。