阿爺粥品手工涮涮鍋 (已結業)

話說呢排真係好中意打邊爐！食咩都淨係諗到打邊爐！ 但最慘係度度都要排隊！不過經住荃灣嘅朋友仔介紹！發現左間又抵食，又唔洗等位嘅火鍋店!我地一行三人，叫左個海佬忘情鍋！$198！都幾抵，因為有龍蝦、鮑魚、蟹、蜆呢啲海鮮外，仲有雞件及粥。龍蝦好生猛呀！係啲粥度彈彈下！食落去，口感彈牙，很新鮮！鮑魚都很好爽口彈牙～不得不提，當然是個粥底啦！ 吸收哂海鮮嘅精華！唔洗用任何調味料，已經夠哂味！ 正！ 唔夠喉嘅，仲可以加$30食埋海鮮放題！其實我地淨係食個海佬鍋都夠飽，不過見到隔離枱碟響鈴超長，超大條，咁吸引！來到怎可以錯過？埋單每人都係$2xx, 有新鮮海鮮+放題，三百蚊都唔洗！下次再來🤣