Catee (已結業)

荃灣呢間以貓為主題嘅西餐Catee, 以昏暗燈光、深色餐桌營造神秘感, 氣氛唔錯, 而且Set Dinner平平哋一二百蚊就有交易, 性價比不錯。點菜後, 侍應好快就送上暖麵包、沙律、餐湯。值得一提, 麵包一小籃就已經有三個唔同款式, 蘸黑醋橄欖油 , 健康又好味。煙三文魚蟹肉波波 $108/4個以煙三文魚卷成可愛球狀, 蟹肉餡料雖然唔多, 不過都幾鮮味。烤美國安格斯牛板胛$268牛板胛一入口, 肉質實在而不韌, 肉味豐盈, 啖啖肉一啲骨都冇, 伴有充滿牛油香氣嘅薯蓉。炸魚薯條伴他他醬$158薯條夠熱又夠脆。炸魚份量十足, 有成隻手掌咁長, 不過炸魚表面嘅脆皮如果薄一點就更好味啦, 記得食之前灑點檸檬汁, 減低油膩感。是日甜品cheese cake, 雖然細細件不過已經飽到幾乎食唔落啦。