Chalet (已結業)

今日嚟到荃灣一間裝修有格調嘅西餐廳 - Chalet。Set Dinner 附有頭盤、湯、甜品, 但不包飲品。兩款頭盤都非常的式, 蟹餅外層煎香, 餡料鬆軟。一口茄子卷, 包裹著軟滑忌廉芝士餡。餐湯質感濃稠, 茄味特濃, 非常適合沾麵包食。呢道法國白春雞上菜時蓋上透明玻璃罩, 充滿視覺效果, 一打開散發出淡淡煙燻味。法國白春雞脂肪較少, 肉質雖然未算嫩滑多汁, 但沾點燒烤汁, 配上南瓜蓉, 仍相當惹味。意粉蒜香味濃, 蟶子份量較少, 只有兩隻, 但爽口彈牙, 口感不錯。最後以擺盤精緻嘅甜品作結。平凡嘅奶凍, 點綴一下就變得不一樣。