SUKIYA すき家 (翡翠廣場)

营业中

休息中

荃灣終於有sukiya，呢間係位於沙咀道，以前救世軍嘅舖位，啱啱新開日日都有人排隊，但其實都係派十至十五分鐘左右，今日就試咗個三重芝士牛丼同蔥溫泉蛋燒肉丼，加咗兩杯綠茶。芝士丼十分唔錯，個燒肉其實同普通牛丼有咩分別呢，我都唔係太知，食落好似差唔多，兩杯綠茶就有添加糖，而家講求健康其實唔加糖都可以，希望加少啲，或最好唔好加，如果唔係太肚餓或者係細食嘅女士，可以叫個細嘅牛肉丼，三十幾蚊，其實已經夠飽。值得一讚係呢間新舖啲職員都幾有禮貌，如果買外賣就有自助機，都幾方便。