SUKIYA すき家 (翡翠廣場)

营业中

休息中

噚日（13-4-2025 Sun）朝，同老公去綠在二陂坊換劵，換完要食早餐同買餸，去邊喥食早餐？呢頭好似冇乜嘢食，去新記冰室，紅豆冰室，牛奶冰室？牛奶冰室啦，但行經呢喥，見佢竟然開咗門，又睇吓佢啲早餐，除咗牛肉定食外，都有烤鯖魚定食，都係$32.00，與其去茶餐廳都係食多士通粉，咁不如食日式早餐啦，又有魚食，於是決定呢間，而佢門口貼住24小時營業，生意真係咁難做，呢間都要做24小時，咁更加要幫趁。入去搵個位坐低，我就鎖定要呢個，老公就要$39.00嘅牛肉烤鯖魚定食，但改三文魚，咁我哋就有兩種魚食喇。落完單好快，兩個定食到嚟，見到鯖魚都唔細條，我哋交換咗半條魚就食得。白飯暖暖地；鯖魚同三文魚都偏鹹，鯖魚就有少少正常魚油腥；紫菜新鮮清脆；醃菜同麵豉湯都係鹹。其他：個碗都幾靚。上次食評係2025年1月28日刊登嘅呢篇：https://www.openrice.com/zh/hongkong/review/%E6%9C%89%E7%86%B1%E8%8C%B6%E9%A3%B2%E6%9C%83%E5%A5%BD%E5%95%B2-e5888381

今日（28-1-2025 Tue）年廿九放半日，要喺荃灣買嘢，於是先同老公食個晏，去邊喥食？食漢堡，轉角見要去荃昌中心，咁去Neighbor，去再full晒有人等位，老公話嚟呢間，呢間都應該有人等位，不過是但啦。我哋嚟到，有幾組客等𡁵，不過好快有枱，坐低後睇完menu，我哋決定要：2. $34.00細嘅秋葵牛丼，加$12.00要沙律套餐老公要紅茶走冰由於病𡁵嘅老公未完全好返晒，所以佢一個人食晒啲食物，但眼見杯紅茶重係凍，佢唔好再飲凍嘢，而我嘅咖哩又辣咗啲，咁我飲呢杯啦。飲落，呢個微甜解到辣，口感都滑。1. $70.00中嘅豪華三重奏咖哩飯，加$9.00要漬物套餐，要麵豉湯豪華三重奏咖哩飯有牛肉，溫泉蛋同炸雞，上枱睇到，溫泉蛋要自己打，好攪笑，打完食得。咖哩比我想像中辣，飯係夠軟身，牛肉同炸雞都正常冇問題，飯同汁嘅份量都好夠。漬物係蔬菜，但味道淡淡地嘅，至於麵豉湯，我俾咗老公飲。服務：冇諗到呢喥唔係自助形式而係有人帶位，落單同捧餐。抵食係2.7分

嗰日放咗工，同朋友去荃灣打保齡打咗兩個鐘，就喺附近搵野食本身諗住特登去荃灣廣場食烏冬，之後路過見到呢間就入咗去（費事行咁遠）叫咗個牛肉丼飯，補充返蛋白質🥹🥹🥹🥹同埋佢有得揀唔同size，中或者大我食嘢勁麻煩，一係太少唔夠食，一係太多食唔晒🤣🤣🤣🤣🤣叫咗杯檸檬茶同個酸菜（？但我朋友嗰碟菜正啲，都係加$12…..組合算係幾健康佢仲有沙律菜等等嘅其他組合俾你揀嗰日我哋6:30就去咗食，可能因為喺荃灣都算幾旺，去到七點門口已經好多人排隊😆

平時行過荃灣呢間分店，都見坐滿晒人，一直冇機會試，今日黃昏時間五點幾六點又行過呢間分店，見到有位唔使排隊，梗係試吓啦。🍱牛燒肉丼（L）$48 + $12配三品小食套餐：L餐既牛肉份量都幾多，連埋飯、溫泉蛋、雜菜、湯夠男士食用。牛肉個汁真係幾好味，另外枱面仲有五味粉、燒汁等等可以自行另外加調味。👍🏼不過溫泉蛋就生咗啲。🍱泡菜炙燒豚丼（M) $54 + $12配三品小食套餐：泡菜真係醃得好好味，但係豚肉就好多都係肥肉，得一兩片係瘦既可以食得落口，呢度真係有待改善🤔女士嚟講，食中size 餐都OK。🍱另外見佢個早餐又好平，下次有機會行過先再食啦，希望唔會失望啦。

荃灣終於有sukiya，呢間係位於沙咀道，以前救世軍嘅舖位，啱啱新開日日都有人排隊，但其實都係派十至十五分鐘左右，今日就試咗個三重芝士牛丼同蔥溫泉蛋燒肉丼，加咗兩杯綠茶。芝士丼十分唔錯，個燒肉其實同普通牛丼有咩分別呢，我都唔係太知，食落好似差唔多，兩杯綠茶就有添加糖，而家講求健康其實唔加糖都可以，希望加少啲，或最好唔好加，如果唔係太肚餓或者係細食嘅女士，可以叫個細嘅牛肉丼，三十幾蚊，其實已經夠飽。值得一讚係呢間新舖啲職員都幾有禮貌，如果買外賣就有自助機，都幾方便。

#荃灣Sukiya 今次嚟到荃灣新開嘅Sukiyaki醫肚，門口雖然大排長龍，但等咗大約15分鐘就可以入位啦，人均港幣$55。🐮香蔥溫泉蛋牛丼漬物套餐套餐有嘢飲又有小菜，因為我鍾意香蔥味，所以呢個蔥味濃郁嘅飯幾啱我，將溫泉蛋撈入丼飯入邊，口感會更加滑嫩易入口，性價比高，本人大愛。🧇溫泉蛋大阪燒牛丼炸雞套餐呢款當飯味道偏甜，但唔會好膩，仲會附送一啲鰹魚碎，層次豐富，令到整體味道大大提升，今次嗌咗個中size。🐷炙燒豚丼青菜套餐豬肉唔會好嚡同好入味，雖然三款比較之下，呢碗丼飯味道同口感可能會遜色少少，但係套餐佢會送一碟青菜，超級大碗，望到嘅時候非常驚喜！📸同場額外Sukiya如果唔買套餐，佢都有單點丼飯🍱，每款由中size到加大size都有，唔同價錢，最平港幣$29就可以買到🍚#香港美食 #香港foodie #荃灣美食 #sukiya

終於開左係荃灣，12點去到唔使排隊，嗌咗一個大阪燒牛肉飯套餐，跟咗兩件炸雞，配宇治抹茶。炸雞太多肥膏，基本上得一半係肉。大阪燒牛肉飯，牛肉唔係好多，唔算好好食，只係好一般。另外宇治抹茶，飲落去係甜嘅，唔知係咪加咗糖，但對於我呢啲唔食糖嘅人嚟講好伏。