▶️金磚豆腐
蒸煮滑豆腐裹上麵粉，外炸內軟❤️麵粉好薄仲帶有少少嚼口，面層加左啲芝麻增添香氣同口感。調味方面鹹淡適中，推介👍🏻
▶️上湯龍蝦伊麵底
揀伊麵要額外➕$50我覺得有啲奇怪，明明道菜叫上湯龍蝦伊麵🤣唔加就會得上湯龍蝦食。伊麵份量多，口感偏淋但味道上都食到上湯嘅鮮味。龍蝦好新鮮，肉質爽彈鮮甜，非常好食👍🏻
▶️炸子雞(半隻)
炸子雞外皮酥脆，肉質鮮嫩唔乾有肉汁，骨頭都有香氣。調味偏鹹但尚可接受。比較可惜嘅係師傅處理雞毛唔夠乾淨，部分雞件仲有毛係面🥲🥲
▶️大良炸鮮奶
正宗順德菜嘅炸鮮奶有鹹甜2食，鳳城係鹹嘅版本，同我想像中有啲岀入，我覺得食落有啲腥同有浸油溢味。不過同行友人覺得好好食，話食到蝦米香同鹹鮮味。
▶️松子魚
外觀就認真麻麻地，條魚上枱已經散左同分開咗2邊，個魚頭係中間，下面張相係岩岩上枱個樣😂但味道方面唔錯，甜酸汁調味岩岩好，好開胃。魚肉外皮炸得好香，肉質唔乾，滑得來都有魚味。
1
