佐賀燒肉谷 (大鴻輝(荃灣)中心) (已結業)

一定要book位，唔係嘅話就要排隊啦！真係好好食。肉確實唔錯，可以食出d食材比出面普通同價位嘅燒肉更加好。牛肩胛肉：食材新鮮，保留肉汁，鮮嫩好食。雞腿肉：肉質好嫩，醃製過嘅味道好正。厚切豚五花：肉質好，一定要燒得有少少焦香，再點d辣醬，包生菜好好食。自助吧有d蔬菜可以自行攞黎燒，都新鮮好食。中午去食仲可以減40蚊添，cp值都高。整體環境都唔錯，闊落坐得好舒服。值得一提嘅係服務亦都好熱情主動，見到我哋網黑咗，都會主動過黎幫我哋換網。