影片
更多
2019-02-21
101 浏览
好耐冇同呢個住荃灣嘅朋友食嘢嚕～呢晚佢帶咗我去一間新開嘅餐廳－－位於荃新天地嘅The BASE Nature。真係好新架，2018年12月先啱啱開張，可以做到（都算係）頭一批食客深感榮幸啊！成間餐廳採取開放形式，座位見到埋商場入面，感覺會開闊啲，而且都坐得好舒服。我哋叫咗兩個晚餐加個甜品～每日精選湯品 配半發酵牛油法包（跟餐）Soup of the Day w/ Half Fermentation Baguette呢日嘅湯係洋蔥煙肉薯仔忌廉湯，好合我嘅口味，好鍾意！不過唔知係咪廚房落黑椒同鹽落得重手咗少少，有啲太咸同辣法包就切成薄薄一片，搽上牛油，幾好味。香草包糠慢煮美國有機豬鞍、意式番茄汁、芝士配薯菜（$158）Herbs Crusted Slow Cooked Pork Chop w/ Tomato Sauce, Cheese, Vege豬鞍好厚，唔肥唔瘦，有少少肥膏更加香口，骨側邊嘅肉尤其好食！面頭鋪咗麵包糠，有脆脆嘅口感。意式番茄汁同啲肉好夾！炙燒澳洲黑安格斯頂級牛腹膜肉(8安士)、砵酒汁、忌廉焗薯（$178）Char-grilled Aust-Black Angus Hang
呢晚佢帶咗我去一間新開嘅餐廳－－位於荃新天地嘅The BASE Nature。真係好新架，2018年12月先啱啱開張，可以做到（都算係）頭一批食客深感榮幸啊！
成間餐廳採取開放形式，座位見到埋商場入面，感覺會開闊啲，而且都坐得好舒服。我哋叫咗兩個晚餐加個甜品～
每日精選湯品 配半發酵牛油法包（跟餐）Soup of the Day w/ Half Fermentation Baguette
呢日嘅湯係洋蔥煙肉薯仔忌廉湯，好合我嘅口味，好鍾意！
不過唔知係咪廚房落黑椒同鹽落得重手咗少少，有啲太咸同辣
法包就切成薄薄一片，搽上牛油，幾好味。
香草包糠慢煮美國有機豬鞍、意式番茄汁、芝士配薯菜（$158）Herbs Crusted Slow Cooked Pork Chop w/ Tomato Sauce, Cheese, Vege
豬鞍好厚，唔肥唔瘦，有少少肥膏更加香口，骨側邊嘅肉尤其好食！
面頭鋪咗麵包糠，有脆脆嘅口感。
意式番茄汁同啲肉好夾！
炙燒澳洲黑安格斯頂級牛腹膜肉(8安士)、砵酒汁、忌廉焗薯（$178）Char-grilled Aust-Black Angus Hanger Steak (8 oz) w/ Port Reduction and Potatio Gratin
牛我哋要咗五成熟，上碟擺盤好靚，生熟程度都係我哋想要嘅。
有好香濃嘅牛味，口感嫩滑，而且肉汁豐富！睇落好似得好少，但食落好飽肚架！
茉莉花綠茶；有機高山蜜樹茶（跟餐）Jasmine Tea；Organic Honeybush
餐飲叫咗兩杯茶，另外可以加錢配其他嘢飲。
味道都不錯～
最impressive係一飲完杯茶，侍應就揸住熱水壺問你駛唔駛加啲熱水，非常細心！
桂花蘋果反烤撻 配海鹽焦糖汁、雲呢拿雪糕（$72）Osmanthus & Apple Turnover
雖然飽，但都叫多個甜品！
蘋果反烤撻英文係Apple Tart Tatin，第一次見。原來係源自法國嘅一對整甜品嘅姊妹，整蘋果撻嘅時候唔小心淨係將焦糖蘋果攞入焗爐焗，唔記得咗個撻皮，唯有直接將撻皮kum喺焦糖蘋果上面焗，之後先掉轉成舊嘢上碟，估唔到咁做又幾好食，於是就搞到好多人都開始整喇～
呢到嘅桂花蘋果反烤撻都整得好好味，焦糖蘋果好甜，配埋個撻皮同雪糕食，一流！
總括嚟講，The BASE Nature幾好坐，嘢好食，又靚，侍應服務都好好。
朋友話佢個位置其實唔係好多人經過，所以未必會有好多人留意到呢間新餐廳。大家見到都去支持下啦！～
menu：
张贴
