老虎岩餐室 (已結業)

間中都鍾意去茶餐廳食嘢，嘢食選擇多，價錢又唔貴。今次去哩間新茶餐廳，出名係食潮式牛腩，一入門口都聞到陣香味，可惜我唔食牛，所以叫咗其他嘢食。.見佢哋有手工燒賣，好吸引！我本身好鍾意食燒賣所以一定要試。仲叫咗滷水雞髀、仙草奶茶。.燒賣$12有4粒，食落似係魚肉溝咗啲豬肉，口感幾彈牙，加咗甜豉油同自家製辣椒油，都幾惹味。😋.雞髀好大隻、多肉，肉都幾滑，滷水汁清淡唔會太咸，食完都幾飽肚。.仙草奶茶係用洗式凍奶茶，仙草好滑，哩個配搭幾得意。