影片
更多
2010-06-02
48 浏览
上星期六師傅約左幾位好友把酒言歡, 由於行程嘅關係, 所以一早就黎左呢區, 加上滂沱大雨, 所以師傅都係搵個地方避一避, 順便醫下個肚; 而當下嘅心裡面最想食嘅野竟然係据扒, 於是就搵間西餐廳啦, 忽然想起呢間食店, 經營左好多年但師傅就從來都冇黎過, 決定入去食個扒餐啦!行到去門口, 師傅都猶豫左一陣, 點解會猶豫呢? 因為師傅好怕入到去d食物水準好差, 到時真係會好冇癮; 但見餐廳裡面好多食客, 於是乎就豁左出去! 入到去伙計安排入座, 一支公都有卡位坐, 感覺甚好; 坐底後睇下有咩好食啦, 餐牌內大部都係扒餐, 正合師傅心意, 思前想後最後決定黎個大包圍, 柯打左個美式雜扒配黑椒汁, 再跟個白飯, 餐湯係羅宋湯, 餐飲就當然係凍檸茶!落完單等左一陣, 頭盤餐湯同餐包一齊登場, 師傅二話不說即該試下個羅宋湯, 羅宋湯嘅餸真係幾多, 而且煲得夠腍, 味道就酸酸地都幾開胃, 可惜係唔多夠辣, 師傅加左好多胡椒先有辣的感覺, 整體黎講一般; 而餐包一大個, 係個提子餐包, 入口尚算鬆軟但就唔夠熱, 如果再熱少少就仲好!食晒頭盤之後, 當然要等一陣啦, 但喺等嘅同時亦可以睇下電視, 都尚算
行到去門口, 師傅都猶豫左一陣, 點解會猶豫呢? 因為師傅好怕入到去d食物水準好差, 到時真係會好冇癮; 但見餐廳裡面好多食客, 於是乎就豁左出去! 入到去伙計安排入座, 一支公都有卡位坐, 感覺甚好; 坐底後睇下有咩好食啦, 餐牌內大部都係扒餐, 正合師傅心意, 思前想後最後決定黎個大包圍, 柯打左個美式雜扒配黑椒汁, 再跟個白飯, 餐湯係羅宋湯, 餐飲就當然係凍檸茶!
落完單等左一陣, 頭盤餐湯同餐包一齊登場, 師傅二話不說即該試下個羅宋湯, 羅宋湯嘅餸真係幾多, 而且煲得夠腍, 味道就酸酸地都幾開胃, 可惜係唔多夠辣, 師傅加左好多胡椒先有辣的感覺, 整體黎講一般; 而餐包一大個, 係個提子餐包, 入口尚算鬆軟但就唔夠熱, 如果再熱少少就仲好!
食晒頭盤之後, 當然要等一陣啦, 但喺等嘅同時亦可以睇下電視, 都尚算不錯; 一轉眼主菜就到; 美式雜扒係鐵板上, 望上去賣相十分吸引, 雜扒分別有火腿扒, 腸仔, 牛扒同豬扒, 而鐵板上亦同時有炸薯條同埋雜豆! 先講下雜扒分別有火腿扒, 火腿扒真是厚厚的, 一d都唔薄, 入口嗰種滿足感比超薄嘅火腿黎得更好, 加上一d都唔咸, 好味; 而腸仔亦唔咸, 不過就較為硬身, 師傅覺得腸仔唔夠火腿扒正喇!
至於牛扒就真係幾厚幾大塊, 切落去係勁鬆, 入口牛味欠奉, 但肉質勁鬆, 鬼咩, 落左勁多鬆肉粉, 唔鬆都難啦; 而豬扒乾身, 肉質鬆而味道偏咸, 同樣地係落左好多鬆肉粉; 兩塊扒都屬於唔合格! 伴碟嘅炸薯條就普普通通, 而雜豆就令師傅覺得好懷舊, 皆因師傅一向都好鍾意食雜豆, 但而家都冇咩邊間餐廳會用, 雜豆煮得腍, 幾好味; 黑椒汁都幾香, 不過就唔夠辣, 但淋落鐵椒度份外香濃! 凍檸茶冇茶味不過勝在夠凍, 可以啦!
總括黎講食物質素一般, 環境幽暗, 服務態度一般, 而價錢就唔算太貴, 六十三蚊個餐, 加埋一啱啱七十, 師傅覺得抵食度一般! 呢間食店人流都幾多, 但師傅一個人坐左張卡位咁耐都冇要求轉枱, 喺嗰一刻師傅深信呢樣係茶餐廳與西餐廳的分別, 就算一個人据扒亦不需要搭枱, 呢個就係師傅唔比喊臉嘅主要原因, 不過再黎機會不大!
张贴
