影片
更多
2019-06-21
46 浏览
喺荃灣愉景新城嘅SPAO買完嘢，順道喺商場裡面搵嘢食。行到這間茶餐廳門口，大大個牌寫住小菜晚餐，一共有8款之多，價錢又唔貴。再望入去，高棚滿座，街坊街里都幫襯，睇來質素係不錯。於是，便攞張飛等位。等咗一陣間，有位。坐低，即刻點了兩個小菜套餐 (因為會送多一碟清炒時蔬)，飲品加了少少錢，轉飲凍鴛鴦和青檸梳打。凍鴛鴦夠冰凍，茶味啡味的比例恰到好處。青檸梳打夠清新，大熱天時飲，爽晒。中例湯係青紅蘿蔔豬骨湯，火喉夠，飲落好舒服。西湯係番茄雜菜湯，好足料，番茄味特濃。今晚的青炒時蔬係娃娃菜，食落都幾清甜，而且有蒜香味。第一個小菜係涼瓜炒牛肉。意想不到的是牛肉竟然還多過涼瓜。這碟餸鑊氣好夠，出來時，係熱辣辣的。涼瓜食落幾爽脆，牛肉就又大塊又腍。第二個砂鍋咖哩牛腩。咖哩味都幾霸道，但係又幾啱我口胃，用來撈飯食一流。本來想食多個雪糕雞蛋仔做飯後甜品，可惜佢哋今晚好好生意，雪糕一早賣晒。咁，唯有下次早啲來幫襯過。
等咗一陣間，有位。坐低，即刻點了兩個小菜套餐 (因為會送多一碟清炒時蔬)，飲品加了少少錢，轉飲凍鴛鴦和青檸梳打。
凍鴛鴦夠冰凍，茶味啡味的比例恰到好處。
青檸梳打夠清新，大熱天時飲，爽晒。
中例湯係青紅蘿蔔豬骨湯，火喉夠，飲落好舒服。
西湯係番茄雜菜湯，好足料，番茄味特濃。
今晚的青炒時蔬係娃娃菜，食落都幾清甜，而且有蒜香味。
第一個小菜係涼瓜炒牛肉。意想不到的是牛肉竟然還多過涼瓜。這碟餸鑊氣好夠，出來時，係熱辣辣的。涼瓜食落幾爽脆，牛肉就又大塊又腍。
第二個砂鍋咖哩牛腩。咖哩味都幾霸道，但係又幾啱我口胃，用來撈飯食一流。
本來想食多個雪糕雞蛋仔做飯後甜品，可惜佢哋今晚好好生意，雪糕一早賣晒。咁，唯有下次早啲來幫襯過。
张贴
