萬家樂茶餐廳 (已結業)

星期日都要工作中午餐，工廠區好多餐廳都無開，經過呢間餐廳仲開兼有下午茶餐，門口又泊到車，入內係普通茶餐廳格局，假日無乜客，好多梳化卡位，不過係好娘嘅棗紅色，我哋人多坐大圓枱，座位唔迫！下午茶餐選擇多！落單食物好快到！日式炒烏冬（$28）估唔到賣相幾好，烏冬炒得嫩滑，索晒豉油汁，配料竟然用真海鮮，無仿蟹柳（大部分時間食呢味都係仿蟹柳）中蝦切粒，爽口無喇過，加啲魷魚碎，芽菜爽口，我連配菜都食晒！好味！熱檸茶（加$3）好濃嘅茶底，濃到有啲苦鹵水雞髀拼薯條（$28）同事食，賣相幾差，雞髀啞色無光澤，薯角又甩皮甩骨，同事話雞髀好老好嚡！差！瑤柱雞粒炒飯（$28）同事食，比我試一啖，炒得鬆，粒粒分明，雞肉淋身唔嚡，雖然無乜瑤柱，單計炒飯好味！星州炒米（$28）同事食，好勁嘅咖哩味欖菜雞粒炒飯（$28）同事食，欖菜好少，望落同另一同事嘅瑤柱雞粒炒飯一樣樣特厚西多（$22）同事食凍咖啡（加$3）同事飲凍奶茶（加$3）同事飲店員係豪爽形，好爽手，攞辣椒醬嗰啲都好爽！茶餐廳炒功唔錯！