影片
更多
2016-08-29
455 浏览
朋友係附近返工，約左夜晚一齊食飯。見係cafe，以為一定係細細間同九曲十三彎先去到。估唔到係地鋪同地方好大，其實呢度似餐廳setting,不過設計都幾stylish！(黎到就知無自相矛盾)第一印像係都幾多人，待應忙得黎都有禮貌！我叫左個set ($68)沙津，餐湯，肉醬意粉配德國腸，飲品呢個價錢係apm既餐廳可能只係買到個意粉，行多五分鐘路有個更豐富既選擇(當然，味道都好重要)沙津係羅馬生菜配粟米，生菜好新鮮，每塊菜葉都脆卜卜，沙津醋份量岩，味道稍為偏甜。餐湯我多數會叫忌廉湯，不過今日得羅宋湯，估唔到有驚喜喎！湯入面既菜唔會淋哂，個湯仲帶有陣開胃既微辣，好正！肉醬意粉份量都幾多，個肉醬夠杰身，有香濃蕃茄味(特別在仲有陣鐵板燒味！)個汁夠撈晒成個意粉！個德國腸煎得香口，唔會乾哂，亦唔會過鹹。成個意粉都洽到好處！餐飲：無得叫coffee既情況下(食評最低有寫原因)最後叫左紅豆冰，市面上既紅豆冰有個問題，就係真係太多冰，連埋入邊有紅豆，飲兩啖就無哂！呢度大大杯，冰既分量同一般飲品差唔多，夠晒凍，夏天飲岩哂！炸魚薯條 $48其實價錢唔貴，不過如果叫“魚柳薯條”，同我期望既會無咁大落差，我真係
第一印像係都幾多人，待應忙得黎都有禮貌！
我叫左個set ($68)
沙津，餐湯，肉醬意粉配德國腸，飲品
呢個價錢係apm既餐廳可能只係買到個意粉，行多五分鐘路有個更豐富既選擇(當然，味道都好重要)
沙津係羅馬生菜配粟米，生菜好新鮮，每塊菜葉都脆卜卜，沙津醋份量岩，味道稍為偏甜。餐湯我多數會叫忌廉湯，不過今日得羅宋湯，估唔到有驚喜喎！湯入面既菜唔會淋哂，個湯仲帶有陣開胃既微辣，好正！
肉醬意粉份量都幾多，個肉醬夠杰身，有香濃蕃茄味(特別在仲有陣鐵板燒味！)個汁夠撈晒成個意粉！個德國腸煎得香口，唔會乾哂，亦唔會過鹹。成個意粉都洽到好處！餐飲：無得叫coffee既情況下(食評最低有寫原因)最後叫左紅豆冰，市面上既紅豆冰有個問題，就係真係太多冰，連埋入邊有紅豆，飲兩啖就無哂！呢度大大杯，冰既分量同一般飲品差唔多，夠晒凍，夏天飲岩哂！
炸魚薯條 $48其實價錢唔貴，不過如果叫“魚柳薯條”，同我期望既會無咁大落差，我真係以為會俾英式炸魚我架，點知係普通魚柳....
味道ok,炸粉厚左少少。
見隔離枱叫既鐵板餐同奄列飯都好吸引，下次會試！
PS：好有趣既地方係，我地想叫special coffee既時候(set餐飲加錢)，佢地話個調飲師父無返整唔到，唔通為個quality,有錢都唔賺? 希望下次試到！
张贴
